على باب سفارة كندا للشاعر على سلامة

على باب سفاره كندا
لمحت أبليس وف أيده
أستماره
بقوله على فين
قالى بص
يا هجره يا أعاره
يا عم كفرت زهقت
ألاقيش معاك سيجاره
أنا أنتهيت خلاص
لا نافع وسواس ولاخناس
ولا ليا عيش وسط الناس
دى عالم مجرمين
عندكوا فائض ف الفساد
فى كل البلاد
ومش محتاجين شياطين
مليش عيش ف البلد دى
بقالى سنين عاطل
وأنتوا بتعرفوا تقلبوا الحق باطل
وتسلكوا القاتل
وتمشوا ف جنازه المقتول
ومفيش مشاكل
يا عم ده أنا بقيت أوسوس
بالمقلوب
وأقول للحرامى كفايه بقى أنت مش هتـــوب
أنت هتعمل كل الذنوب
لوحدك
وأنا أبليس أشتغل واعظ ولا كمسارى ف أتوبيس
يا عم دا أنا زمان كنت أستنى حد ينسى يسمى
وهو بيأكل لقمته
دلوقتى كل أكلكم ملوث
وبصراحه الواحد خايف على صحته
ده مفيش ضمير أساسا
علشان أموته
كل واحد بمزاجه خربانه ذمته
يا عم دا كل حاجه أتسرقت
وكده الأجيال الجديده من الحراميه
... أتظلمت
يا راجل دا من كتر ما لطشت معايا
خرجت ف مظـــاهره مع الناس اللى بتقول كفايه
!!وبرضـــه مفيش فايــــده

من طرف **أحمد طيار** السبت يوليو 25, 2009 12:58 am

هههههههههههههههههههههههههههههههههههههههههههههههههه
فعلا مفيش فايدة حتى لو قولنا مليون مرة كفاية
هى عاوزة عزيمة وإرادة
وإيمان بالله ومناعة
مناعة من الحرام والرشوة والإستكانة
الإستكانة اللى ياما عشنا فيها وفى المهانة
المهانة اللى بقت عادة لينا وشوية بزيادة
الزيادة اللى خلت إبليس يهجرنا ويدور على عمالة
ويصرخ يا عالم دول مخلوقين من طين ولا من حجارة
هتفضلوا لحد إمتى لإما ناس خايفة أوناس جبانة
نفسى أشوف فى يوم مرة ناس تقول للظلم لا يقفوا وقفة رجالة
وينادوا فى الناس ياعالم إصحوا ده من كتر نمنا بقت بلادنا خرابة

على باب سفارة كندا للشاعر على سلامة

على باب سفارة كندا للشاعر على سلامة

رد: على باب سفارة كندا للشاعر على سلامة