ياللى لبسه محزق .......!!!!!!!

يا لى ماشيه لبسه محزق

والوسط قال مخنوق

جسمك معجون وملزق

ونسيتى معنى الذوق

وهاى.. وباى.. ونو

وسوق على مهلك سوق

والوش فيه كل الألوان

والمناخير طالعه لفوق

تمشى تتقصعى وعنيكى

تراقب كل مخلوق

كم واحد بص عليكى

وفاكره الدنيا سوق

الشاب لما يحب يتجوز

بيدور بحب وشوق

على اللى ماتقول ببجاحه

يادبان أتفضل دوق

ده أصل الورع والحب

توئم عاشق ومعشوق

جسمك وروحك ياتايهه

ليهم عليكى حقوق

الستر ليهم صيانه وعفه

وفضحهم كبرياء محروق

كل من رخص نفسه

بزبالة الحياة مدلوق

ياسلام عليك يادكتور
ايه الحلاه دى والله دى ذى السكر
والدكتره لما تكتب الشعربمشرط
يقطع ويدبح كل من تستعبط

هو بس للأمانة مش أنا اللى كاتب الكلام ده بس المهم إنه ماخرجش من الكلية بتاعتى يعنى برضه دكتور

من حقك طبعا من اللى بتشوفه فى الكلية وربنا يعينك على غض البصر وانصحك تيشل معاك سلة زبالة تلم فيها الهدوم المحزقة

ايه ياواد اللى انت عامله ده
طب خد دى منى ويارب تعجبكم

دا أنت بتدن فى مالطة
والله ولو نفخت فى بوق
دا المحذق دلوقتى ورطته
عمرك منها ما تفوق
قال ايه ماشية بتدلع
وعاملة بنت ذوق
خلتنى من جوه بدمع
فار دمى آهين آه
وساحت منى يا أبا عروق
لبس المحذق عملى صداع
ومعايه شيطان ماكر خدّاع
وسواسة ليه أبدا ملزوق
أروح عنه شمال بيجيلى عطول
وان روحت يمين
كنت يا عينى أنا المسبوق
خلاصة الكلام سيبك سيبك
الحقنى يا ميزو خد ايدى لفوق
أوعى تغرقنى فى بحر الشوق
دا ليلى حبيها اتجنن
وعنتر قاسى فراق المعشوق
قالوا الصب نظراته فا ضحاه
ويا عينى عليه
دا قلبه المخنوق
أخرته ميت غرقان فى حتة بانيو
متر فى متر براسه مدلوق
يإما بحتة عليقة
فى السقف ميت مشنوق

دى مأساتنا فيا عينى علينا
يا عينى يا عينى شباب مسلوق

عجبتني قصيدتك وبتخاطب البنات المتبرجات بالحقيقة بدل ما تضحك عليهم وتبينلهم ان الغلط صح
انا صديق جديد معاكم واتمنى انك تقرالى واقرالك
وعالعموم انا ثورجى وشعرى كله وطنى ....... وفى العضم
وكمان بحب الشعر الدينى وجميع انواع الشعر
اخوك احمد شريف