طرائف

واحد صاحب مزرعة فراخ محمل العربية فراخ و سايق وقفته لجنة و سألوه "محمل إيه؟" قال لهم فراخ، قالوله "بتأكلها إيه؟" قال لهم "بأكلها قمح" قالوله غرامة 100 جنيه "بتأكل الفرخ قمح و البلد مش لاقية تاكل؟؟". و هو مكمل وقفته لجنة و سألوه "محمل إيه؟" قال لهم فراخ، قالوله "بتأكلها إيه؟" قال لهم "بأكلها زبالة" قالوله غرامة 100 جنيه "بتأكل الفراخ زبالة و تسمم الناس؟". الراجل مكمل ع الطريق وقفته لجنة، الظابط سأل له "محمل إيه؟" قال له فراخ، قال له "بتأكلها إيه؟" قال له "و الله يا باشا، أنا بادي لكل فرخة مصروف وهي تجيب الأكل اللي عايزاه"



قام العالم أديسون مخترع المصباح الكهربائي، بأكثر من آلف تجربة قبل أن ينجح في اكتشافه، الذي لم يتكلل بالنجاح إلا بعد أن هداه الله إلى وضع زجاجة حول المصباح، لتغطي السلك المتوهج، وتزيد من شدة الإضاءة، ويصبح المصباح قابلاً للإستخدام من قبل الناس، ولو كان هذا العالم يعلم ما في القرآن الكريم من آيات معجزات، لعلم أن مصباحه بحاجة إلى أن يغطى بزجاجة، كي ينجح ويضئ لمدة طويلة كما يجب، وذلك مصداقاً لقوله تعالى: "الله نور السماوات والأرض مثل نوره كمشكاة فيها مصباح....الايه

جميله يا أخ محمد

ربنا يبارك فيك

واحد سفاح دخل شقة رجل قتل مراتة والراجل ضحك قتل ابنة والراجل لسة بيضحك قتل بنتة والرجال فاضل يضحك قتل والدة والراجل هيموت على نفسة من الضحك فالسفاح استغرب وسالة قالة انت بتضحك كدة لية وانا بقتل فى علتك فالراجل قالة وهو بيضحك اطلع من دول يا ابراهيم يا نصر....

كان فى مره مركب غرقت ..... 3 طلعوا أحياء و 4 طلعوا كمياء

واحد رخم عايش فى الدور .. جه واحد أرخم منه وعاش فى الدور اللى فوقيه

نصيحة : عند وقوع صاورخ كيماوي تصرف كالاتي: طقطق صوابعك ................... لأن مافيش فايدة

واحدة ست عند جارتها .... قالولها إقعدي تتعشي عندنا ....قالت لأ مش هقدر .......... بناتي عاملين رجيم وعايزة أدوقه


في المحكمة القاضي بيقول لحرامي رد سجون : إحلف والله العظيم أقول الحق رد الحرامي : إيه الفايده كل مره أحلف وبرضه تدخلوني السجن

اتنين مساطيل واحد بيقول للتاني:شايف النمله اللى فوق الجبل التاني قاله:المغمضه ولا المفتحة؟؟

مره واحد غني و بيتأتأ طلع اصحابه رحله علي حسابه طول الطريق و هما رايحين عمال يقول:ن..ن...ن ولما وصلوا قالهم:نسيت الفلوس. فرجعوا تاني و طول الطريق عمال يقول:ك...ك...ك ولمل وصلوا قالهم:كنت بشتغلكم

ايه النكت دى يا دكتور
حلوه

جميله دكتور ميزو

المستحيلات لدى العرب
لبناني مدرس فقه
بدوي يبيع سمك
عماني وسيم
فلسطيني على نياته
مصري يقول ما بعرف
أفغاني لابس جينز

واحد يقول لزوجته: مساكين بنات لبنان دمرتهم الحروب والله لو كل واحد يأخذ وحده كان له اجر كبير
قالت: والله مساكين بنات الصومال جبر خاطرهم أعظم أجر.........

ياعم محمد مش كل نكتة عندك تكتبها فى موضوع خاص بها مانت عندك موضوع طرائف بتاعك الأول إكتب فيه رد وخلاص ولا إنت عايز نقط وخلاص (مش كده)
أنا بنبهك بس عشان لو مش واخد بالك إدارة المنتدى هاتاخد تصرف عكسى مع مواضيعك وهاتعيد النظر فى النقط مرة أخرى وهاتعيد تنظيمها
ده نظام جديد إدارة المنتدى هاتصدره عن قريب وهاتمشيه ع الكل ........... وشكرا

ياعم الحاج انا مش عايز نقط خالص.....انا بنزل موضوع وخلاص بغض النظر بقى عن مدى اسهامى فى زياده رصيدى ام لا....والاداره لها الحق فى فعل ماتريد وتطبق النظام اللى تحبه....وبعدين انا مشرف فى المنتدى ولست عضوا عاديا...من الاخر لااسال عما افعل

تم دمج موضوع الطرائف فى موضوع واحد دون اى انقاص لعدد النقاط
بالنسبه الى المنتدى العام هذا المنتدى يخص كل الموضوعات التجاريه بصفه عامه
وسوف تنقل جميع الموضوعات الى منتدى الفن أو المنتدى المناسب للموضوع
شكرا للجميع
إدارة المنتدى

شكرا سياده المدير العام على حسم الموضوع